إسأل المصباح السحري

هادي غنية لَلي ما بـحـتـاج
انا بحــتـاجــك

بدي النــصــيـحة، بدون ما اسأل السـُـؤال
و جوابك ضروري يكون مُجرّدْ من الكلمات
و إحكيلي ليش
مهم لروحي إني أدوّرعلى
شو بدها مني الحـيـاة؟

و بِدي وجود لوجودي
بِدي وجودي
لإنه هيك مستحيل

فَهمّني عن الإرادة الغريبة
إلّي جوّاتي
هادي الرغبة إشي مِش إرادي
سـبـب لهلعيشة، بدي
و السبب ليش الموت ريحته أحلى من شمِّة الهوا
بدون جسد بدون سيارة،ممكن أحلى

بدي اعرف مُسَـبِـبّ وعيّي
إحكيلي القصة من الأول
من الأول

وإحكيلي ليش بحـتـاج هاي الاشياء؟

و إلحلّ شو
لمّا ما أقدر أحمي نفـسـي مـن عـدوانـي على حالي
ليش صعب احكي كلمتي
و مستحيل اكون برفـقتي
و مش حاسه بشعور شعوري
بدي أحسّوه

هادا الضوّ اللي أدّ الكون
اتنفسه، و هو بحوم في وعيّي
شايفتوه هيّوه، بمخيلتي
بقدر البِسُه بأحلامي

بس كيف بقدر أتزكّر
أســــيرة حالي،إلهة نفسي
اسرار عن الاوعي
آسرتني…

كيف اكشف حالي
أضلْ معاي، أضلْ جوّاتي
انا انا،لو مش نايمة
انا هي روحـي،و الروح دايمـة
و بعرف اني بعرف اللي بعرفُه
بَعرف انّي بعرف اشي
و كل يوم بحْلم القدر يطمنّي
أرئُف في هالوجود و في وجودي

أعطيني علامة، إلي بَس
أعطيني ســؤال، إلي لحالي
و إزا غـفـيـت، صحيني
و لما انـســى، زكـرَني
بس اضيع، شِــدّ عإيدي

و هَيّ الــســهـو مغــرقـني

أنـقذ أي ذِكرة بتلاقيها

لو ينغفرلي

لإنه مش بإيدي إني صرت عارفة
و لا حتىً قادرة، اتعـاون مع حالي
مش زابط أآمن بأفكاري
لا في الشِدّة و لا في الرحمة

المعاقبــة و المـســـامحـة بطّلّ إلها طعم

كنت بحـتـاج تِطلّع علـيّ
كيف و لا مــخـلـوق بعرف
بِدي مـن حالي الحاجـة إلـَـك
و كنت احكيلك، هُـمِه مش إحنا
و ما بحتاجو إيش نِحن بدنا
و إنت ما كنت تــحـتـاج
مين جامع وعيّي و روحك
روحي أنا، وين؟

لمسة أيدي كانت تدوخني